Horcan Dorian a converti den e tormenta mas fuerte den e registronan moderno den golpia e parti noordwest di Bahamas diadomingo y ta spera pa e golpia e islanan cu te hasta dos dia di awasero torencial, olanan halto y bientonan potente, mientras cu partinan di Florida a wordo evacua prome cu e toca tera na Merca.
E Centro Nacional di Horcan (NHC) cu sede na Miami, a bisa cu Dorian ta riba islanan Abacus como horcan di categoria 5 diadomingo cu bientonan maximo sosteni di 285 kilometer pa ora y rafaganan di mas di 322 kilometer pa ora.
“Esaki ta e horcan mas fuerte cu a golpia Bahamas,” e residente Tom Creenan a bisa via telefon.
“Mi a crece na Florida, asina mi a biba (horcan) Andres.”
Horcan Andrew a golpia oost di Florida na 1992 como un tormenta categoria 5, pasa lastra den e ciudad di Homestead.
Despues di asota Bahamas, ta spera cu e move noordwest pa Florida, cu NHC elevando su alerta diadomingo pa partinan di e costa oost di e estado na un advertencia di tormenta tropical.
Cu dicho advertencianan y cu e tormenta intensificando, e condadonan di Palm Beach y Martin a emiti evacuacionnan obligatorio pa algun residente, incluyendo di e trailernan y esnan cu ta biba den areanan mas abao.
Otro condadonan a lo largo di e costa a anuncia evacuacionnan boluntario.
Apesar cu parce cu Dorian no lo bay tin un impacto directo riba Merca, NHC a adverti cu e tormenta di Categoria 5 riba e escala di biento Saffir-Simpson, cu tin cinco nivel, lo asota miyones di persona for di Florida te cu Carolinas cu bientonan fuerte y oleahe di gran intensidad.
Presidente di Merca, Donald Trump, a adverti diadomingo cu e tormenta lo por impacta e costa oost for di Florida te cu North Carolina.
“Parce cu e ta un di e horcannan mas grandi di historia,” Trump a afirma atrabes di Twitter. Mayoria di e turistanan cu tabata tin planea pa sali for di Bahamas, a sali prome cu e aeropuerto principal a cera diabierna anochi.
Mientras tanto, un tormenta tropical nobo a forma den zuidwest di Mexico y ta spera cu e lo converti den horcan dialuna.
E tormenta tropical Juliette ta ubica 735 kilometer for di Manzanillo, na Mexico, cu bientonan maximo sosteni di 75 kilometer pa ora, NHC a sigura diadomingo