Door di Covid: Air Canada tambe a suspende tur vuelo pa Aruba

Minister di Turismo Dangui Oduber a informa cu diabierna mainta, Aruba a haña noticia cu otro aerolinea mas a suspende servicio pa Aruba. Ta trata di e aerolinea Air Canada. 

E rason no ta desconoci, door di e virus Covid, e demanda di viahamento ta insigur. Pesey Air Canada mester a tuma e decision di cancela servicio entre Canada y Caribe, unda a afecta Aruba tambe. E decision aki ta pa e itenerario di winter cu ta termina na April 2022. Nan ultimo vuelo pa Aruba lo ta 10 januari.

Air Canada a termina ta bisa cu nan ta compromete nan mes pa reanuda nan servicio pa Aruba y nan ta lamenta cu mester a tuma un decision asina drastico. Esaki ta uno otro aerolinea mas, di e miles nan na mundo, cu mester cambia nan plannan door di Covid.

Minister Dangui Oduber di su banda ta sigura pueblo di Aruba cu e team cu ta encarga pa habri rutanan nobo lo sigui traha pa den futuro cercano, habri e servicio nan aki bek, asina cu cos normalisa rond mundo.