E ciudadano Aldrich Briezen ta disgusta pa e situacion cu el a pasa pa dos aña y mey. E tabatin un reunion cu Departamento di Aduana, riba un boto cu e tabatin cu a sink na Barcadera. E boto aki tabata su unico medio di entrada y el a sink den man di Aduana.
E boto, den e estado cu e ta, e no kier e mas y tur loke e kier ta pa nan page pa e tempo cu nan tabatin e den nan poder y pa e tempo cu e no por a traha.
E ta conta cu e reunion cu el a asisti ta e prome reunion despues di dos aña y mey, unda cu nan a bin cu algun punto.
E director di Aduana, segun Briezen, a bisa cu nan no a tuma e boto den beslag y cu e boto por a sali bek. Briezen a manda e-mail y puntra si e boto por sali di Aruba y pa e bay otro caminda cu ne.
Na prome instante a nenga esaki, pero durante e reunion a bisa cu esey tabata e posibilidad.
No a haya ningun documento pakico a wanta e boco, mucho menos un carta cu e boto por sali bay anytime.
Esey ta unda cu a yega cu na final, despues di tur punto menciona, Briezen por a mira cu nan a realisa cu nan ta fout. Unico cos ta cu e minister encarga a bisa cu mester bay via Aduana. Awo Aduana a tira e bala bek den scochi di e minister y no kier para pa nan responsabilidad.
Briezen a menciona di lo bay corta nan hala pronto y mirando cu nan a acepta cu no tin salida pa nan. Hasta algun di e funcionarionan di Aduana no por a bisa nada.
Pa bay haya e boto aki, e lo tin su gasto. Briezen a comenta cu e no kier e boto mas, ya cu el a sink. E por wel di keda den awa. Ta gasto so lo bay tin pa drech’e.
Por ultimo e ta menciona di ta lamenta cu esaki a sosode asina. Tur loke e kier, ta pa e por haya su placa y pa e sigui su caminda.