Diaranson, algo pasa di 9’or y mey di mainta, varios patruya a wodo dirigi dilanti di Kowloon Restaurant, unda cu persona a reconoce su auto cu a wordo horta for di su cas, net dilanti di Kowloon Restaurant.
Mesora patruya a wordo despacha na e sitio y eynan nan a bin topa cu e auto cu a worod horta y famianan tabata bezig ta luchando cu e presunto ladron den e auto. Ora cu polis a yega, nan a tuma e caso den nan man y den un frega di wowo nan a detene e ladron. E doño di e auto a conta polis cu e ladron a drenta su cas cerca di Urataka Center, a come, bebe y plama tur cos den e cas. El a bay placa y yabi di su auto Hyundai Getz color blauw cla, numera A-53326 y awe den ora di mainta, nan tabata buscando pa mira si nan lo topa cu e auto y Bingo. Nan a bin topa cu e auto net dilanti di Kowloon Restaurant. Famianan para na banda di e auto, a purba di kita e yabi, net ora cu polis a yega. Un bon trabao a wordo haci. E ladron a wordo deteni y a wordo hiba warda. E auto mes a wordo hiba warda di Santa Cruz pa mas investigacion.
