Alrededor di 6:40 pm polis a presenta na Sero Patrishi pa atende cu un situacion di huurmento di auto. E persona cu a huur e auto no a entrega esaki na e fecha acorda.
E doño di e auto ta biba den e cercania y a mira su auto net dilanti di ex-Flores supermarket, cu ta keda den e bario. Di biaha el a notifica polis di esaki. Mesora polis a presenta na e sitio y a bay check.
Nan a haya e auto cendi y e persona, esta e hende cu e huur e auto, no tabata eybanda. E persona aki a laga e auto para pafo di e supermarket. Despues di a papia cu e doño, el a haya bek su auto, cu ta un Nissan March color crem nr A-70373.
