Koleganan den Ministerio di Maneho di Gobernashon, Planifikashon i Servisio Públiko a hasi un donashon di algu mas ku 1300 florin pa yuda Sint Maarten. Esaki a tuma lugá en koperashon ku nan Minister Armin Konket durante un kolekta spontáneo. Ku hopi entusiasmo koleganan a koperá. Minister Armin Konket den su bishita di tur luna na instansianan di Ministerio di
BPD (Bestuur, Planning en Dienstverlening) a hasi uso di e oportunidat aki pa tene un kolekta bou di personal di e Ministerio. E instansianan ku a partisipá tabata, Lokèt di Pèrmit, Departamentu Registro Sivil (Kranshi), Departamentu pa Servisionan Kompartí, Departamentu di Maneho, Departamentu di Rekurso Humano, Archivo Nashonal i Ofisina Sentral di Statistik.
Hopi kolega den e ministerio ántes tabata kolega i a yega di traha di forma intensivo ku rumannan na Sint Maarten. E forma spontáneo kon tur hende a koperá ta demostrá ku nos ámtenarnan ta dushi hende i ta dispuesto pa duna un man pa yuda esnan den nesesidat.
