Donald Trump: Canadesnan riba ambos Crusero lo bay cas

944

Presidente di Merca, Donald Trump, a bisa cu tin plannan pa baha e casi 250 pasaheronan Canades for di e dos Cruseronan y hiba nan bek pa Canada. Guarda Costa Mericano a dirigi tur Crusero pa keda riba lama unda cu nan ta secuestra ‘indefini’ durante e pandemia di coronavirus, pero e presidente a bisa cu Canada lo bin busca e Canadesnan for di MS Zaandam y Rotterdam.

“Nos ta baha e Canadesnan y duna nan na e autoridad Canades. Lo hiba nan bek cas,” Trump a bisa. Lo haci esaki tambe cu e cuidadanonan di Reino Uni. Estadonan ta nenga di acepta pasaheronan di Crusero, pero Trump ta sinti cu Merca ta obliga di yuda. Tambe na un cantidad minimo Merca lo manda teamnan medico abordo. “Bo tin hendenan cu ta malo riba e barconan ey y estadonan no kier tuma nan,” e presidente a bisa. E pashentnan aworaki tin problema di tosamento y no kier tuma nan, pero nos mester forma un ‘humane standpoint’. Nos no tin opcion. Mi no kier haci esey, pero nos mester. Hendenan ta muriendo.”

Segun Guarda Costa Mericano, Cruseronan tambe mester prepara pa manda pasaheronan severamente malo bek na e pais cu e barconan ta registra. E reglanan, cu ta conta pa cualkier barco cu tin mas di 50 persona, unda cu dia 29 di Maart a bin cu un safety bulletin firma pa Goast Guard Rear Admiral E.C. Jones, cual districto ta inclui Florida, Georgia, South Carolina y Puerto Rico. Tambe e presidente a indica cu e lo bay papia cu Gobernador di Florida, Ron DeSantis, si ta laga Zaandam y Rotterdam, un di nan cu 4 persona a muri y 200 pasahero y trahado a raporta sintomanan manera griep, pa ancra.

Global Affairs Canada a bisa den un comunicado cu tin 97 pasahero Canades riba Zaandam y 150 Canades riba Rotterdam. Te cu e momentonan aki, no tin ningun caso confirma di COVID-19 entre e pasaheronan Canades. “Nos ta sigui compromete cu e pasaheronan y Holland America pa coordina biahenan pa ciudadanonan Canades bay bek Canada ora di desembarca,” Global Affairs a bisa.