Awe diadomingo riba Dia di Tata, Pastor Rey di Parokia Santa Theresita na San Nicolas a scoge e parokiano Donald Baly como nan “Tata di Aña”. E anuncio a bay compaña pa hopli aplauso di e denas parokianonan y fielnan Catolico atendiendo misa awe mainta.
Donald Baly tin 84 aña di edad, e ta naci dia 18 di december 1934 y e tin no menos cu 3 yui muhe, cu ta stim’e masha hopi y tabata masha orguyoso y sumamente contento cu e distincion special pa nan tata.
“Nos como su yuinan a yena nos cu orguyo. Pa nos sigur un bon Tata y un bon esposo. Feliz dia di Tata pa tur e tatanan”, asina su yiu Anuesca Baly a skirbi riba su pagina di Facebook despues di misa. Masha pabien!

Comments

comments