Donacion pa Polisnan trahando extra durante TDQ

2135

Aruba a conoce un situacion hopi serio den e ultimo simannan cu ta e Coronavirus (COVID-19). Esaki a conduci cu Gobierno a impone un TOQUE DE QUEDA pa nos ciudadanonan. E decision drastico aki a causa cu Polisnan a haya nan mes ta traha extra entre 9:00pm y 6:00am cu personal adicional y patruyando den tur skina di nos isla. Pa esey Polis a haya y a acepta donacionnan y ta gradici pa esakinan tambe.

For di dentista Marsman a ricibi “mondkapjes”, Taco Bell a percura pa cuminda pa Polisnan cu ta traha anochi y Playa Liquor and Bottling Company a regala nan caha di wipes.

Cuerpo Policial ta gradici cada un di nan di curason y lo percura pa parti tur material den e diferente districtonan.