Den siman di Festival di buki, Denise de Jongh-Rekwest, autor di e buki nobo ‘Bin, bin, sigui mi submarin’ a hasi entrega di buki pa kada mucha di Imeldahof. Cu e donacion di Avis Rent A Car, Divi Impact Foundation i Denise su editorial Request Publishing, nan ta motiva i promove lesamentu serka e muchanan.
E empleadonan di Imeldahof y e muchanan a ricibi e donacion cu hopi entusiasmo y nan tabata mas contento ainda ku e autor a firma den buki di kada un. Wendy de Cuba di Avis Rent a Car, komishon di Divi Impact Foundation i outor ta contento y satisfecho di por pone un sonrisa riba cara di e muchanan di Imeldahof, siñanan ku lesa ta pa diberti y na mes momento e ta siña nan cu tene nan ambiente limpi ta un actitud positivo y duradero.
Bin, bin, sigui mi submarin ta contribui grandemente na desaroyo sostenibel di medio ambiente. Denise de Jongh-Rekwest ta gradisi tur muchanan, mayornan, scolnan, dosentenan, Biblioteca di Aruba pa e bon bini caluroso den e siman di Festival di buki organisá pa Biblioteca Nacional Aruba. Riba e potret Wendy de Cuba di Avis Rent a Car i autor Denise de Jongh-Rekwest ta hasi entrega di buki na Liliana di Imeldahof.
