DOMESA a reforsa su flota cu dos auto nobo nobo, y nan ta cla pa subi caminda. Pero hunto cu esaki, nan ta concentra tambe riba su pesonal, pa duna un servicio excepcional na nan clientenan, en particular e banconan rond di nos isla.
Ronald Luengo, gerente general y director di DOMESA, a splica cu DOMESA ta pertenece na un corporacion global cu yama Brinks. Ta un empresa cu tin presencia den 53 pais na mundo y kier presta e miho servicio na e islanan di Caribe, specialmente na Aruba.
Luengo a splica cu DOMESA tin 30 aña na Aruba dunando servicio riba e mercado. Orlando Orman a funda e empresa na Aruba y ainda e ta na cabes.
E servicio Panamericano di Proteccion a cumpli 60 aña riba e mercado Venezolano, cu a kere den e isla 30 aña pasa y a trece e prome trucknan aki.
Awor aki ta renobando e flota. Ta importante considera pa tin vehiculonan di e tecnologia di mas halto pa e mayor siguridad pa e personal y transporta e balornan di e isla.
Ki ora nan lo subi caya
Segun Luengo, tur proceso di papeleo y permisologia ta cla y e trucknan ta cla pa subi caya. Ta contento cu pa diaranson of diahuebs, ya nan ta duna nan servicio.
Importancia di e truck
Ta hopi importante pa tin un truck asina. Awor aki ta aumentando 30% di e capacidad operativa cu DOMESA tin. Importante ta pa duna un miho servicio na banco y e empresanan di estado como tambe clientenan comercial y industrial.
E isla tin su distancianan largo tambe y kier cumpli cu tur cos y presta e miho servicio. Ta pesey ta importante pa DOMESA crece den capacidad y por duna un servicio garantisa, Luengo a splica.
Siguridad
DOMESA ta kere den Aruba, Luengo a splica. Nan ta kere den e economia di Aruba y ta confia cu tur e esfuersonan cu autoridadnan ta realisa pa lansa e isla riba e miho nivel economico ta sosodiendo. Ta pesey DOMESA ta invirtiendo den e isla.
E sede a wordo mehora den e ultimo añanan, pa loke ta su siguridad, nivelnan di alarma, nivelnan di grabacion y tur loke ta e controlnan di acceso.
No solamente nan ta sede, truck y polisanan di seguro. Tambe nan ta kere den nan empleadonan.
Nan ta wordo entrena pa expertonan pa asina evadi cualkier situacion cu por experencia y salvaguarda bida di e empleadonan y tambe e placa di nan clientenan.
Ta confia cu e empleadonan tin cu sali pa traha, pero nan mester bay bek cas sano y salbo.
E cantidad di empleado pa truck
Tur cos ta depende e nivel di riesgo di e mercancia cu ta wordo hiba. Ta un standard di tres persona, pero depende e situacion, ta reforsa cu custodia adicional. Sea cu nan ta bay cu dos truck, vehiculonan adicional cu proteccion.
Transporte
DOMESA ta traha cu e mercado financiero. Nan ta traha cu tur banco riba e isla, como tambe sector industrial y comercial. Nan benta nan ta hibanan na e deposito bancario.
Tambe nan ta transporta metalnan precioso, bono, joyas. Ta haci e servicionan aki tanto nacional como internacional.
Crecemento di DOMESA
DOMESA a crece hopi, compara cu 30 aña pasa. Awor aki nan ta na un sede digno y pa duna un miho servicio na e isla.
Cuanto hende ta traha
Awor aki tin 20 persona trahando y e perspectiva pa e proximo añanan ta pa incorpora mas servicio y productonan di siguridad.
DOMESA tin servicio for di dialuna pa diasabra, di manera continuo y servicio special y nocturno ta coodina segun e necesidad di e cliente.
Kico por spera di DOMESA
Awo cu e trucknan nobo, ta confia riba e desaroyo di e personal cu por hiba e compania riba un miho nivel.