Dokternan di cas awo ta vacuna y protehi contra COVID-19

2294

For di dia 18 di februari 2021 cu a inicia e campaña di vacunacion contra COVID-19, a nota cu e interes den comunidad ta creciendo y cu hopi optimismo. Esunnan cu tabatin duda of miedo ta acercando nan dokter di cas of specialista pa conseho.

Manera acorda den e plan di vacunacion, esunnan cu lo vacuna prome, ta esunnan trahando den cuido y awe a toca turno na practicanan di dokter di cas. Awe dokternan di cas cu nan asistentnan y POH a tuma nan vacuna durante henter dia.

Por bisa cu un cantidad grandi di dokternan di cas y nan personal a haci uzo di e oportunidad brinda pa por proteha nan salud pero primordialmente e salud di nan pashentnan. Pa mas informacion pa e schedule di e campaña di vacunacion y tambe informacion con pa registra, por bishita e website www.arubacovid19.org.