Francis Escalona: Enfermedadnan cu ta pone celebro muri ta ocasiona demencia

4079

Francis Escalona, geriatrie consultant na Hospital, ta den bay cu pensioen y no kier bay cu su conocemento di demencia. Pa e motibo aki el a skirbi 2 buki, uno na Papiamento “Con pa anda cu Demencia” y Hulandes “Omgaan met Dementie.” Un enfermedad manera Alzheimer cu ta ocasiona e demencia, cu un hende ta bay atras.

Esey ta nifica demencia, bay atras te dia di fayece. Ta trata di diferente enfermedadnan cu ta haci e celebro malo, cual ta pone esaki muri. Su deseo tabata pa tin esaki por escrito. Segun Escalona, no tin cu splica un hende 1 ora largo pasobra asina yega cas toch ta perde algo. Tin reglanan pa tur dunado di cuido na cas, den un verpleeghuis, specialmente den hospital.

Dokter Escalona: Enfermedadnan cu ta pone celebro muri ta ocasiona demencia

Dokter Escalona: Enfermedadnan cu ta pone celebro muri ta ocasiona demencia. Click link pa mas https://24ora.news/3fcXli0

Posted by 24ora on Thursday, July 9, 2020

Mester papia mas, el a bisa. Pero si no tin conocemento di esaki, no por haci esey. E buki aki ta pa duna mas conocemento. Ora di tin conocemento por papia di esey, pero aworaki e ta mustra di ta un taboe. Tur esaki pasobra hendenan tin berguensa, mientras otro hende tin otro enfermedad manera cancer of otro enfermedad serio.

Practicamente ta pone hendenan cu demencia un banda, manera cu nan no ta humano. Esey ta un motibo cu mester bin mas concepto y tin cu haci esey hunto. Francis Escalona a skirbi e buki, pero e intencion ta pa sinta papia hunto.