Un grupo di docentenan disgusta a reuni awe cu Presidente di Parlamento, mr. Ady Thijsen, compaña pa Presidente di sindicato SIMAR y Presidente di sindicato SEPPA. Meta di e reunion tabata pa expresa nan disgusto, mal contento y desapunto den maneho di Minister di Enseñansa, dr. Armando “Rudy” Lampe. Nan no kier traha mas cune y a start un campaña pa e Minister tuma su retiro!
E mesun mensahe a expresa siman pasa na Minister Presidente mr. Evelyn Wever-Croes. A bis’e di nan plan pa papia cu Parlamento, siendo e hefe di e Ministernan. Tambe cu nan no ta desea ningun sorto di cooling off period, sino nan kier pa Minister Lampe retira of pa Parlamento pasa un mocion di desconfiansa contra dje.
Presidente di Parlamento a compromete di lo papia cu Minister Presidente y cu e fraccion di MEP riba e tendencia dificil aki. Pa otro siman el a keda di contesta e docentenan riba e peticion inusual aki.
