Docentenan di tur sector a expresa nan desconfiansa den Minister di Enseñansa

Docentenan di tur sector, sea ta HAVO, MAVO, scol basico, OAA, kleuter etc. a reuni diaranson anochi, pa loke ta un situacion cual nan ta preocupa pa hopi tempo caba, cual ta e actual minister di enseñansa.

E docentenan no kier keda papia, keda manda carta. Mester bin cu algo otro pa por scucha nan. E docentenan tin desconfiansa y no sa kico tin na e minister. E cooperacion no ta bon mas, segun un docente.

Reunion urgente: Docentenan preocupa cu direccion con enseñanza ta bayendo

#CoberturaBibo
#PromeDenNoticia

Posted by 24ora on Wednesday, September 11, 2019 

Meneer Juancho Rasmijn di OAA tambe tabata tey presente na e reunion y no ta trata specificamente pa e situacion di e scol, sino mas tanto e maneho cu e minister ta hibando den e enseñansa y no ta di acuerdo cun’e. Tin hopi problema cu esey. E docentenan ta sinti cu nan derecho a wordo trapa y no ta wordo respeta. 

Anchelino Vrolijk a comenta cu e reunion a cuminsa tempran, aunke e mes no tabata tey presente na e prome parti. Desde comienso di aña, despues di loke a sosode na e scol na Madiki, tabata tin un comision cu a lanta y varios carta a bay pa e minister, cu algun di e cartanan no a haya contesta riba dje.

Entre otro tabata tin un carta ultimo prome cu vakantie, caminda cu ningun decision a cay den vakantie. A base di e consehonan cu tabata tin pa e minister y cosnan cu por sosode, manera ora cu ta bay digitalisa, cual no ta prepara e maestronan, no ta prepara e veld, pa cierto cambionan. Ta bay haya cu cosnan no ta bay cana manera mester ta. Y esey ta loke ta sosodiendo den cierto scolnan na Aruba.

E frustracionnan den enseñansa ta birando dia pa dia mas grandi. E reunion no ta ni mishi cu e parti di salario, esta functiehuis, cual y caba un di e puntonan na 2017 a bin dilanti riba esaki, cu a bay Parlamento. A pone esaki den lachi.

Ta papiando aki mas bien di e partinan di siguridad den enseñansa, e problemanan cu tin den e enseñansa basico, problemanan cu ta existi den kleuter. Ta varios punto tin. Tambe enseñansa avansa, esta MAVO, EPB, Colegio San Nicolas, Colegio Arubano.

Por a mira ultimo e parti di Avond, OAA, unda cu hasta alumnonan a bay dilanti. E parti comunicativo di parti di e minister pa loke ta veld, ta laga hopi di desea.

Tin hopi plan cu e por tin, pero loke ta pasa cu veld no ta carg’e, door di e frustracionnan cu ta existi. Esakinan ta cosnan cu mester aclarea y tambe den e parti aki, undo cu e gruponan cu ta bin dilanti, kier pone enfasis unda cu no tin confiansa mas den e minister.

No ta di awor aki esaki ta biniendo dilanti. Esaki tin varios luna ta stobando, unda cu ta mira gruponan den enseñansa den e minister actual. Por mira esaki tambe bao di e mayornan. Ta puntonan cu mester tene cuenta cun’e.

 

Enseñansa den su totalidad ta inkieto

Tin diferente candela chikito den diferente area di enseñansa. Loke por mira dia pa dia, e ta birando mas grandi y no ta resolve esaki.

No pa uza e palabra arogancia, pero ta sinti cu no ta respeta e docentenan como un profesional. E maestronan tin un titulo dilanti nan nomber. No ta pasobra e minister ta carga varios titulo, esey no ta nifica cu e docente ta carga un titulo dilanti su nomber. Nan no tin mester di e propaganda ey.

Tin diferente idea y ta compronde e ideanan aki. Pero atrobe e ehecucion ta laga hopi di desea. Nombracionnan cu ta tuma luga. E manera cu ta trata bo maestronan cu ta hopi esencial, manera mucha chikito, esey ta laga hopi di desea. 

Si ta envolve tur hende den tur e decisionnan aki, hunto cu sindicato y si tin transparencia den tur esaki y scucha kico por y kico no por, kico ta realisabel y kico no, segun Vrolijk, ta evita hopi cos. 

 

Comments

comments