Awe mainta e docentenan di Emmaschool a dialoga cu sindicatonan SEPPA y SIMAR den un reunion na nan sede na Sabana Blanco, pa tuma decision. Segun presidente di SIMAR, Josephine Albertus, siman pasa e maestronan di Emmaschool a acerca e sindicatonan. A sinta cu nan y a formula un carta pa manda minister di enseñansa. Diamars merdia e minister a contesta e carta.
Si por tira un bista riba e carta, a ta leu di ta profesional. E ta un carta ridiculo, segun SIMAR. E carta cu ta cuminsa bisando cu no debe sindicato ningun splicacion, sino Staten so. Den un bisa, e minister ta ilustra cu e docentenan no merece un splicacion. Simar como sindicato tey, vociferando loke e docentenan ta haya y loke ta preocupa nan. Y pa bin bisa cu no debe nada, den un otro palabra, pa e docentenan keda keto y acepta loke tin.
E modus operandi aki di maneho dictatorial di e minister aki unda cu e ta bisando cu tin cu djis sinta, scucha, cera boca y acepta, ta algo cu den mundo di enseñansa cu e educador mes ta siña e alumnonan cu ta importante pa sinta dialoga, pa puntra, pa asina por bay dilanti y tin un minister cu ta representando e grupo aki, cu ta haciendo contrario, kedando asina hopi leu di cas.
Albertus ta sigui splica cu e ridicules di marca mayor cu e carta aki ta representa, como sindicato no ta para su tras y e maestronan tampoco no ta para su tras. Nan no ta acepta ni sinta acepta e actitud dictatorial di e minister. Pa finalisa nan kier bisa tambe cu por spera reaccion di nan banda.
Loading…
Reload document 
Open in new tab No por ta cu ta pidiendo un plan di fuseering y pidiendo e documento por escrito y ta tende “ma papia cu boso cuater ora y esey ta suficiente, cera bo boca y acepta”. Riba dje e ta keda intimida. Tur hende sa cu “no work, no pay” ta algo cu por pasa, cu ta normal. Pero pakico mester mencion’e den e carta.
Tambe Albertus ta menciona cu segun e maestronan, nan tabata solidario y a entrega nan 12.6%. Tur hende sa cu prome cu COVID, e docente no tabata haya un salario halto. Awo nan a perde atrobe, segun Albertus. Pero a logra y lucha. Pa nan e ta importante y duna nan yiu co’y come. Pero esey no kiermen cu aworaki, mester a entrega y keda keto. Tur hende sa cu e situacion ta precario.
SIMAR y SEPPA ta orguyoso di e maestronan, pasobra nan ta bisa cu cueste loke cueste, nan lo sali pa e derecho di e alumnonan special cu nan ta duna les.
