Piscadonan di Rancho Clemente no tin miedo di biento ni lama bruto den Cuaresma. Nan ta busca pisca fresco pa pueblo come. E biaha aki nan a gara un djampou gigantesco.
Tibo Vazquez ta e piscado kende a coy e djampou grandi aki. E ta un pisca masha dushi mes pa e temporada di Cuaresma aki.
Tibo a comenta cu nan a sali banda di 7’or di mainta. Nan a yega banda di 8’or na e luga di pisca. A tira anker. A mata prome un djampou chikito. Despues a dal e monster. A traha cun’e mas cu mey ora. E ora e trabao tabata pa his’e den boto.
A purba diferente biaha pa his’e den boto. Tibo cu su yiu homber Josmar a lucha cun’e. Tabata tin un otro grupo di piscado banda di nan y a mira e movecionnan. Un di nan a bula den boto, pa asina yuda hisa e monster di pisca aki.
Despues di esey a dicidi bay tera pasobra no tabata tin luga mas pa move den boto.
A bay panort di e barconan, pazuid di Valero, unda cu nan sa gara pisca.
Custumber
Na e sitio nan sa bay pisca. Un Djampou mas grandi cu nan a yega di mata ta di 8 pa 15 kilo. Segun Tibo, e pisca a pasa 150 kilo.
Piscamento
Josmar Vazquez ta sali regularmente bay pisca cu su tata. Nan ta mata algun Djampou wak kico nan ta haya. Nan a pensa prome cu ta un tribon grandi of un chucho. Pero ora cu e cabes a sali, e di net su cos. Curason a cuminsa bati lihe eynan. Masha contento mes nan ta. Tibo tin hopi aña ta pisca. Te asina leu, el a mira si, pero riba potret of otro piscadonan a bin cun’e. Pero e mes, nunca.
Kico lo pasa cu e pisca
Awor aki loke ta bay pasa cun’e, ta cu lo bay habri’e pa bende.
Clemente Carion
Clemente Carion ta doño di e rancho y el a baha cu pensioen di piscamento. Manera cu a drenta cu e pisca aki, e y su casa a bula riba dje. Nan lo cort’e y bende na mochi. Tur hende ta loco pa pisca.
Scarsedad di pisca
Tabata tin scarsedad di pisca, pero parce cu el a bira un tiki mas miho.
E djampou gara ta un bon pisca. Manera cu nan a bent’e den e boto Rosalia, no a keda mucho espacio pa sigui pisca y tabata suficiente tambe pa bin tera cun’e. Manera el a yega, su cumprado tabata para cla.
Tibo, a trece cuminda den tayo na cas y tur caminda.
