Desde e anuncio di WEB N.V. cu tarifa di awa ta subi entrante prome di juli 2022, esaki no a cay den bon tera entre e ciudadanonan. Nan ta preocupa y rabia cu e situacion aki.
Micheal Trott, Habitante di Weg Rooi Hundo, a expresa cu subida di awa ta bay perhudica su persona. El a sigui indica cu e no tin trabou y tampoco ta haya onderstand. E mester paga cos na cas. Pero e ta kere cu mester laga e prijs manera e ta awo y busca otro solucion. E ta haya cu no mester hisa e prijs automaticamente. Hopi hende no por paga. Of mester paga esey y come menos. Pa spaar mas awa, Trott a bisa cu “lo mester baña menos y hole mas.”
Agripino Maduro, ciudadano, a expresa cu subi prijs esey ta un problema. Maduro a bisa cu salario ta abou y si awa subi, e ora con ta cuminsa. E prijs subi ta duro p’e pueblo. Gasolin ta halto, diesel ta halto, tur cos ta subiendo, el a expresa.
There de Cuba, ciudadano, kier sa unda hende ta bay ya cu awa, gasolin y cuminda ta subi. Pa esunnan cu ta traha den gobierno cos ta bon, pasobra nan ta gana cantidad di placa. Esaki ta algo cu no por mas y gobierno mester haci algo. Nan no por sinta gaba so, gaña so, pero papia e berdad cu pueblo. Laga pueblo sa e berdad.
Pa mas lesa TREMPAN.COM.
