E diseñador Pierre Cardin, pionero di e prêt-à-porter naci na Italiano pero a bay biba na Paris for di 1945, a fayece diamars na edad di 98 aña, segun un anuncio haci door di su famia na medionan di comunicacion Frances.
E estilista a muri den e hospital Mericano na Neuilly, pafo di e capital di Francia.
Cardin, homber di negoshi cu a crea un emporio cu su nomber, a participa cu André Courrèges y Paco Rabanne den renobacion di alta costura Frances den e periodo despues di guera y a crea durante su trayectorio e creacionnan futurista.
Naci na 1922 den e pueblo chikito di Sant’Andrea di Barbarana, cerca di Venecia, den seno di un famia di agricultornan cu a emigra pa Francia huyendo di Fascismo, a cuminsa den moda cu su 14 aña, den e localidad Frances di Saint-Étienne, como asistente di un sastre.
