Diabierna anochi alrededor di 11:10pm personal di siguridad di Crystal Casino no por a domina un intercambio di palabra formal entre algun turista. Trio ta culpa un otro turista di a ofrece nan droga. Ey a start un discusion formal, a hasta yama otro aden pa regla cuenta, estilo halament’i conopi.
Polis a yega net na ora y a separa e supuesto cumprado y bendedo for di otro. A interoga ambos partido, e bendedo a nenga e acusacion haci contra dje.
Un rato despues e trio a lanta cu polis, ora a bay detene un di nan, el a saca un saco yena cu cocaina y kibr’e prome cu a deten’e. Su detencion ta pa posesion di cocaina.
Comosifuera poco, e supuesto bendedo mes a subi su aut’i huur cu nan a skop y bandona e sitio. Polis a controla den su auto pero no a encontra cu ningun tipo di droga, a dun’e “green light” pa bandona y sigui.
