Directora Magic 965 FM: “Cambio ta bon, pero e mester ta pa miho”

MAGIC FM ta cater e publico di entre 25 – 55 aña, ahustando e playlist cu hopi mas influencia di e decada 80, 90, ’00 y actualidad. Si bo a nace entre 1964 – 1994, lo bo encanta ainda mas e playlist di bo emisora MAGIC 965 FM.

Den e mundo cambiante di awendia mester hasi cierto adaptacion y ta semper cla pa ahusta na bon cambio. No ta un secreto cu technologia ta hunga un rol grandisimo den nos mundo di awendia. Social media den e ultimo 10 aña a practicamente kibra forsa di esun cu no kier bay cu tempo.

Radio aki na Aruba y na mundo ketobay tin un rol importantisimo den comunidadnan. Aki na Aruba ta papia di un 89% sigur ainda cu ta scucha ‘Radio’. Asta e forsa di TV a cay bastante mirando e competencia feroz cu programanan atractivo tin pa ofrece riba nivel mundial.

Radio ta keda un media poderoso serca e consumidor local. Radio ta compañabo na trabou, na bo cas y den bo auto y na bo cellular via applicationan. Serca MAGIC FM e hende moher ta esun cu ta scucha mas.

Emisoranan comercial cu ta aplica e interaccion via FaceBook y Instagram ta keda dirigi e mercado. Semper teniendo na cuenta e deseo di e publico, e emisora MAGIC 96.5 ta incorpora e musica cu a domina den 90’s un poco mas. Lo bo skucha un Shawn Mullins, Prince, Backstreet Boys, Madonna, TLC, Next, MANA y mas exito back den tempo. Claro kedando super up to date cu e exitonan mas nobo di actualidad, regional y local. Un combinacion perfecto pa e gusto di e hoben adulto y adulto di awendia.

E equipo di profesionalnan prepara tey pa sigui brindabo programanan bon prepara cu nivel y calidad.

E programacion

For di 6 or di mainta cu Noticia cu Giovanni Muller . Sigui pa 6:30 am “45 Minutes” cu RENO IRAUSQUIN, bo morning magazine conteniendo e noticia mas fresco y nobo, tanto local como internacional.

Pa 7:30 ta start cu e Headlines di noticia y health news y tips ‘envivo’ y noticianan di corte.

Despues e show BON DIA ARUBA ta start cu Erin Croes cu varios invitado y entrevistanan interesante cu premionan cu e oyentenan encanta. Facebook di e radio cu por mira live e interaccion cu invitados, ta cresiendo tur dia cu 20 mil siguidor.

Merdia pa 1:30 pm e fragmento BO TAWATA SA? pa tur informacion riba tur nivel educativo.

2 or PM DJ VIBES ta tuma over te cu 4 or di atardi den Traffic Jam cu e variacion mas nobo di actualidad y Topiconan cayente di dia cu Gris y Ixchell.

Alaves den siman tin Talk Shows manera 965 PICA cu Rona Coster y Glendeline Maduro.

Tabitha Fecunda ta presenta su fragmento T-Time riba Diamars y Diahuebs.

Di Dialuna pa Diaranson 7 or pm Maiky Oliva ta subi e onda radial pa su Show GPS 2019.

Diabierna ta dia di e TOP 40 cu Reno Irausquin di 2 or pa 6 or pm. Diasabra ta dia di 411 cu Mark Benson Denz.

Weekends tambe tin e variacion di Weekend Vibes. RITMO cu Yeimy Yepes, Kenny O mix y e programa MI PUEBLO cu Victor Wernet. Siman ta sera y habri cu DJ Quality Live di Florida studios, Sunset Hits cu Irving De Cuba y Jazz Express cu Gio y Tendo.

Radio tey pa keda e proximo decada sigur, claro cu e interaccion humano presente, pues e forma con e presentador ta interactua cu su audiencia pa entretene.

Si kier tin contacto cu e emisora por semper manda un mail na [email protected]. of Facebook messenger of por contact nos riba 6996965 of 5860965.