Director di Hospital Ezzard Cilie a bishita baby di aña

Director di Hospital, Ezzard Cilie, tabata bishitando piso pa piso di hospital, ora cu el a bin conoce e baby di aña, David Drozd Jr.

El a comenta cu riba su mes, e ambiente tabata hopi nice y trankil. Basta ocupacion tambe na Spoed Eisende Hulp. Nan tabata hopi ocupa.

E ambiente den cas mes tabata hopi bon. Cilie a comenta cu e tin hopi suerte pa topa cu e prome baby di aña, cual hopi biaha no ta sosode tur ora. Normalmente nan ta nace te bay. Pero e tabata tin e suerte y honor pa topa cu e “homber di aña”.

Ta un tipo di custumber cu ta haci, pa riba e dia aki pasa rond y cuminda tur hende. E dia ey mes ta liber, pero tin cu corda riba esnan cu ta wak pa hospital sigui draai y sostene nan tambe y desea nan e miho deseonan pa 2019.

SEH

Spoed Eisende Hulp tabata hopi druk y tin casonan cu a capta atencion. Segun Cilie, algo cu p’e ta representa nos cultura, no por laga e bebemento extremo un banda. Una bes cu haci esey ta perde tur sentido di normal y nos ta bira agresivo, ta bati otro, core auto iresponsabel, causa daño na otro y na nos mes. Esey ta tristo, segun e director medico di hospital.

Cilie tin di compronde for di SEH, tur pashent cu ta drenta, cu no ta nada di emergencia, ta bay direct Huisartsenpost y no eynan. E focus mester ta riba traume y casonan mas serio. Tin suficiente pa deal cun’e awor aki.

E caso lamentabel di e muchanan, un di nan un tiki mas bieu, su futuro no ta mustra mucho bon mirando e handicap. E no ta sigur si e por a perde su dedenan, pero algo asina el a zona.

Mensahe final

Ezzard Cilie ta spera cu tur hende gosa rib e dia aki y por fabor limita bebemento exagera. Bay poco poco y respeta otro.

Director Ezzard Cilie a bin bishita su personal y baby di aña

Posted by 24ora on Tuesday, January 1, 2019