Directiva di Fundacion Fiestas Patrias Peruano na Aruba tabata contento di a ricibi y duna e deportistanan Peruano bonbini y deseanan exito. E deportistanan ta Daniel Caceres-Rodriguez, Rafael Franco de la Cuba, Carlos Door y Alex Agramonte. Kendenan a bini competi cu esnan di Latino Centro y Norte Americano den e Competencia di Hisamento di Peso International Masters Category y Campeonato Local cu a tuma luga dia 30 di maart 2019 pa 10or di mainta den Centro Deportivo Frans Figaroa na Noord.
Ta bon pa menciona cu union ta haci forza. Ora tin trabou den ekipo y bon cooperacion bo por haya resultadonan extraordinario.
Diabierna siman pasa durante di e conferencia di prensa teni den e restaurant ‘Así es mi Peru’. E presidente di e Fundacion Fiestas Patrias sr. Guillermo Salinas a hiba palabra y a duna e deportistanan bonbini na Aruba y a desea nan tur clase di exito den e Campeonato den e deporte di hisamento di peso.
Na mes un momento den nomber di e Fundacion, sr. Salinas El a gradici sra. Roxana Salinas y su esposo sr. Jan Van Nes, propietarionan di dicho restaurant pa a permiti nan haci uzo di e restaurant pa e conferencia di prensa y di a ofrece nan un dushi chicha morada y e variedad di pasapalo. Tambe a gradici amigonan di prensa y Departamento di Cultura Aruba y a invita pa no lubida di e Campeonato di diasabra y un solo bos Ban Peru.
