Directiva di Bonaire Club a cuminsa cu actividad y accionnan pa por drecha e club cu pa algun tempo caba no ta wordo uza y door di esaki a keda bay atras.
Un renobacion completo ta hopi necesario. Miembronan di e comunidad Boneriano a bini hunto pa pone man na obra. Nan tin pensa pa organisa un evento di bendemento di soppi pa cuminsa recauda fondo.
E directiva a pone como nan prome meta cu ta e Plan di Rescate di Bonaire Club.
Si abo como ciudadano di Aruba, di Boneiro of di descendencia Boneriano, ta sinti un amor y aprecio grandi pa e isla aki, e directiva ta pidi pa habri boso curason y saca un man pa yuda e directiva.
Nan a haci tur e areglonan pa habri un cuenta na Aruba Bank cu e number: 5686415 – 5945988 y e ta riba nomber di Union Mutualista Boneriano. Haci bo donacion directamente riba e cuenta. Cada florin ta conta pa e causa di yuda lanta Bonaire Club. Si bo kier mas informacion di e plannan di rescate, por yama e siguiente telefonnan: 5686415 – 6416029- 5945988.
Mientrastanto diadomingo, 7 di juli, 2019, cuminsando pa 11.30 di mainta / merdia ta bay tin bendemento di soppi na Bonaire Bar (dilanti Filomena College). Yega y cumpra bo soppi y bo ta yudando e directiva y na mesun momento haya sa mas di e plannan.
Directiva ta gradici di antemano un y tur pa nan aporte y atencion. “Aruba yuda nos rumannan Bonerianonan cu nan Club cu e plan di rescate.”
