Dino Nicolina hunto cu un grupo di persona a bin Aruba pa un evento di brommer pero a cancela esaki prome cu nan a yega. Nan a bin pa un momento dushi, aunke cu nan a pensa cu esaki lo pasa. A load e brommernan di cual un par ta bay awe y otronan ta bay mañan. Dino Nicolina a yega aeropuerto pa su vuelo di 1:00pm, pero a haya sorpresa cu esaki a cancela. Nan a bis’e cu no tin vuelo pero a bay check ki ora tin p’asina e por bay Corsou.
E ta kere cu mañan e lo bula bek pa Corsou, pero eigenlijk e mester a biaha diahuebs. “Si tur hende dicidi di bay, e ora niun hende no kier keda”, el a bisa. Ora cu kier a bay Corsou no ta worry pa paga, pero el a paga caba y ta mustra cu e lo mester paga un biaha mas. Segun Dino Nicolina, e no sa si nan ta dje flexibel ey. El a paga su ticket via internet, di cual el a paga $20 otro $40 pero awo e kier bay Corsou.
Tin di nan kier bay, tin di nan no kier bay pasobra nan stima Aruba. Tin di nan kier bay diahuebs y no kier bay prome cu e dia ey. Mayoria cu ta hunto a dicidi di bay entre awe y mañan. Ta haci esaki pa evita cu Corsou cera su frontera y Dino Nicolina no ta imagina cu esey lo pasa. Pa evita cu esaki bira mas pio nan a opta pa regresa Corsou, pero lo regresa si.
Tur a percura pa ta preveni pa loke ta e virus. Si un lubida algo un otro tin, pasobra no sa ki momento por pasa y ta pasa man na cara. Maske cu cana cu “mondkapje” esey no ta yuda hopi. No ta dificil pa hay’e y loke cu mester haci ta bebe vitamina C y mantene e “immune system” halto. E ta un virus cu un toke extra cu ta ataca e pulmon. E ta kere cu si e “immune system” ta halto, e mester por want’e.
