Diasabra anochi dia 26 di December 2020 e restaurant nobo Patio 15 lo tin un anochi special cu musica di 80 y 90 mientras por disfruta di diferente tapas local y internacional.
For di 6 or caba e musica ta cuminsa cu e legendarionan Dj Edson Tromp y Dj Pitufo. Nan lo hiba tur hende bek na memorianan bunita manera di Michael Jackson, Madonna, Saved by The Bell, Visage y otronan. No ta cobra un entrada pa persona, pero si mester reserva mesa adelanta y consumi for di bar of cushina. Pa reserva por yama 6990995. Lo tin diferente specials riba productonan di CAVA Wine & Spirits y Aruba Trading Company!
Patio 15 Aruba ta situa den Weststraat 15 unda antes tabata Museo Numismatico. Tur protocol di DVG lo ta vigente.
