DIMP: Cambio fiscal mester ta eficiente y facil

Tur partner, incluyendo na e parti di Gobierno como tambe di e banda di sector priva a sinta cu otro na mesa pa hunto yega na acuerdonan relaciona cu e cambionan fiscal cu Aruba kier introduci dia 1 di januari 2020. E intencion ta pa duna e partnernan comercial oportunidad pa por expresa nan mes y duna nan aporte na e reforma fiscal.

Director di Departamento di Impuesto, mr. Luenne Gomez-Pieters a bisa na final di su presentacion cu ta nan intencion pa cambia a leynan fiscal pa haci’e mas facil, cu e ta comprendibel pa evita mal interpretacion, cu e ta husto, miho balans entre belasting directo y indirecto. Tambe e mester ta ehecutabel, pasobra tanto bal bin cu un formato nobo cu ni Departamento di Belasting ni comercio no por ehecut’e, pues no lo por yega leu asina.

DIMP: Cambio fiscal mester ta eficiente y facil

DIMP: Cambio fiscal mester ta eficiente y facil. Click link pa mas https://24ora.tv/2m1ltgO

Posted by 24ora on Wednesday, September 4, 2019

Na final Gomez a bisa cu Departamento di Impuesto tin un rol di duna Gobierno conseho riba maneho fiscal pero na final ta Gobierno y Palamento ta tuma e decision final. Si mayoria hende kier Sales-Tax, of un VAT of BBO, ta na Parlamento nan mester ta. Na final, DIMP y Departamento di Duana lo mester ehecuta locual Parlamento pasa como ley.