E ta bira un situacion hopi fastioso na momento cu polis tin cu presenta y atende cu caso di maltrato y ta topa, no solamente cu e dama cu a bira victima pero tambe e yiunan inocente envolvi den e situacion.
Esaki ta locual a tuma luga, den careda di 9:00 pm, na Piedra Plat. Patruya a presenta mesora y a bin topa cu un homber bastante agresivo den cas. Segun por a compronde na e sitio, cu e persona aki lo a maltrata su pareha y cu esaki a pasa dilanti e muchanan.
Na yegada di polis a bay papia cu e pareha, cu e bisiñan y a bin resulta cu e homber enberdad a bati e pareha basta serio. Un rato despues, cu a papia basta cu ne, polis a deten’e y transport’e pa warda di polis.