Desde nos inicionan 18 aña pasa, Digicel Group a sostene y apoya Special Olympics su pasonan den tur pais unda Special Olympics tin presencia tanto den Caribe como den America Central. “Pa e weganan mundial na Abu Dhabi, nos lo apoya 11 pais, aunke di un manera mas general, nos ta apoya 13 comite di Special Olimpics” asina Marketing Manager Nadine van der Woude a splica.
Special Olimpics ta serca di e curazon di nos Fundador y President Denis O’Brien y nos ta hopi contento cu Team Aruba ta duna nos e oportunidad di asocia nos mes cu nan den nan gran buskeda di exito. En general nos a haci un donación di $2.8 miyon na Special Olympics y nos ta orguyoso di sostene e atletanan excepcional aki.
Digicel a apoya e movecion no solamente atrabes di patrocinio monetario, pero tambe como boluntario, suministrando ekipo, capacitacion y infrastructura.
E aña aki di Patrocinio, Digicel Group a inverti $200,000 den Special Olympics y e inversion aki ta destina pa permiti cu e ekiponan participa den e weganan mundial.
Nos ta orguyoso di ta e principal patrocinadornan di e Special Olympics Team Aruba y apoya un causa cu ta integral pa nos objetivonan y sigur hopi keri pa nos curazon. E empoderamento di e personanan cu determinacion ta fundamental pa nos balornan. Nos ta spera cu esaki lo yuda na proporciona e ‘Candela, e vlam olimpico” pa nos atletanan mientras nan ta participa den e competencia, uniendo nan mes na mas di 7000 atleta di mas di 170 pais den e weganan, cu lo tuma lugar entre dia 14 pa 21 di maart, 2019.
Asina aki durante un conferencia di prensa Digicel a haci entrega di Afl. 21,000 na e comitee di Special Olympics. Despues di a scucha palabranan di Sr. Arthuro Werleman, presidente di e comitee Special Olympics, por a scucha Sra. van der Woude bisando: ” E ta un honor, no solamente pa apoya nan gran talento como atleta, pero tambe pa mira nan dedicacion, determinacion y alegria, cu cual nan ta forma rolemodels inspirador y tambe embahadornan di Aruba. Mi ta gradici nos atletanan pa nan compromiso di representa nos pais cu orguyo den e World Summer games”.
