Tabata tin un training dirigi pa loke ta horcan net un luna pasa. Rino Hermans, hefe di Rampenbureau, a splica cu nan tabata tin un training cu a carga e titulo di Hurex 2018.
E tema tabata un horcan categoria 3 cu lo a pasa straight riba Aruba. Basa riba esey, kier a evalua e cooperacion entre tur e dienstnan, incluyendo Defensa. E comunicacion den e ehercisio aki, a scoge pa comunicacion ta cay full afo, con por duna servicio na e comunidad y salba bida di hende, sin cu tin comunicacion. Esey a tuma luga durante 7 dia largo, unda cu nan a haci e training, manera cu ta skirbi den e Bestreidingsplan. Hasta e Team di Maneho (Beleidsteam), caminda cu prome minister mes a dirigi e reunion eynan, pa haya un bista, con tabata prepara pa si en caso e horcan mester a pasa riba Aruba.
Dia 20 y 21 di Juni a train durante 36 ora, 84 scenario, den tres seccion di Aruba, cual ta West (parti di hotel), Central (Santa Cruz), Oost (San Nicolas). Basa riba esey a sinta cu e dienstnan, pa evalua hunto cu nan, por a ripara cu falta paar di punto di atencion, cual ta, vooral e parti di material pa proteccion propio y nan mester tin un bista si tin peliger pa nan mes. Eynan tin un paar di punto di atencion cu tin cu bay dedica prome cu e siguiente training cu probablemente lo bay bira Hurex 2019. Basa riba esey ta bay sinta cu e dienstnan y saca afo unda nan mester di asistencia y si e asistencia tin localmente ta yuda nan. Y si no tin localmente, ta ofrece gobierno of haci un peticion na gobierno, pa trece expertonan di afo pa duna asistencia na e dienstnan, pa asina na Aruba por ta prepara pa cualkier eventualidad y vooral pa un horcan, mirando loke a pasa cu St. Maarten, no kier pa pasa cu Aruba of por lo menos ta prepara pa e no pasa mesun cos, na Aruba.
