E compania farmaceutico Sanofi en GlaxoSmithKline (GSK) a haya nan mes cu contratempo den desaroyo di nan vacuna pa COVID. E resultadonan di e vacuna cerca pashentnan di edad halto ta menos positivo di loke nan a spera. E lo ta disponibel mas tarda final di 2021, hopi mas despues di loke a pensa.
E ultimo aki tin consecuencia directo pa Hulanda, cu e ordo maximalmente 11.7 miyon vacuna di Sanofi. E tardansa aki no a conta cu ne, minister Hugo de Jonge di Salud Publico, a infor,a. Esaki ta motibo cu nan a parti e cantidad di vacunanan necesario cerca diferente fabricante. Gabinete a pre-order casi 60 miyon vacuna for di seis diferente fabricante.
Hulanda a cerca un otro tipo di contracto cu Sanofi-GSK, compara cu esun cu e otro farmaceuticonan. Mirando cu Sanofi ta esun menos avansa den desaroyo di e vacuna, solamente na momento cu tin resultadonan definitivo, ta dicidi cuanto dosis ta cumpra definitivamente for di nan.
Cerca adultonan di entre 18 pa 49 anja e vacuna Sanofi tin u reaccion di immunidad cu ta cuadra cu esun di pashentnan cu a recupera di COVID-19, e farmaceuticonan ta bisa. Cerca pashentnan mas grandi, e reaccion di immunidad ta mas debil. Esey ta debi probablemente cu e concentracion di e elemento cu mestr ta lanta e “afweerreactie”, antigene, ta demasiado abou.
E resultadonan decepcionante ta bini den e fase 1/2 di e estudio. Den e estudio aki den cual a participa 440 persona na Merca, tabata pa mira con e reaccion di e sistema immuun ta y si e ta sigur. Si di berdad e ta brinda proteccion ta bay haya sa den fase 3.
Nederland tabata spera den e di tres kwartaal 5.85 miyon dosis di Sanofi-GSK y e mesun cantidad den e di ultimo kwartaal. Hulanda a tene cuenta cu esaki caba pasobra e investigacion bou di e grupo di edad mester a bin ainda cerca e farmaceutico aki. Hasta por resultado cu e no ta logra yega final.
