Nos ta riba e bon caminda pa ta COVID-free na Aruba. A pesar cu e casonan di COVID a aumenta cu tres, toch e cifranan ta keda bao di binti, haciendo cu nos ta na caminda pa un recuperacion total di COVID.
Pa loke ta awe, tin un persona cu a recupera, a registra total 4 caso nobo di COVID-19, di cual tur ta residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 359 test. ‘Positivity rate’ entre nos residentenan ta 8%.
Casonan activo pa awe ta 18, cantidad di fayecido relaciona cu COVID-19 ta 107.
Siguiendo asina e patronchi di recuperacion y vacunacion di parti di nos ciudadanonan, no lo tarda hopi pa nos yega na e normalidad cu nos conoce.
