Dienstwagen “a perde” tres tire

Un sorpresa desagradabel trahadonan di LAR a haya na momento cu nan a yega oficina dialuna mainta. Un auto cu ta poni na nan disposicion tabata falta algun tire.
Den oranan di mainta Polis a wordo manda na e oficina di LAR, situa den Spinozastraat (nan oficina ta den Watertoren), pa un denuncia cu kier wordo haci.

ADV

LAR tin un dienstwagen na su disposicion, un KIA Rio Shinishi, cu tur diabierna ta wordo staciona den e area patras di e edificio, cual tin un heki cu ta wordo poni na candal.  Esaki no tabata suficiente pa para e ladronnan.

Di un manera of otro nan a logra bula den e cura y a los tres tire cu nan a bay cun’e. Probablemente nan a wordo stroba y no a logra los e di cuatro. Esaki sigur ta trabou di mas cu un persona.
Polis ta buscando camara di siguridad den bisindario pa mira kende(nan) por a “presta” e tirenan aki den fin di siman.

Comments

comments