Diego de Cuba di STA: Gobierno ta tumando demasiado tempo pa contesta nan carta

215
RBC Holiday Loan
Blossoms Special Menu
i10 Sedan
CMB Ban Cobra
RBC Loan Calculator
Send a Tip 24 Whatsapp
Download nos App

Sindicato STA a manda un carta pa gerencia di Elmar riba e asunto di e director Rob Henriquez. Ta un carta cu firma di e trahadonan. Gobierno a haya un carta.

BENU – Cambia y Gana
Red Fish Eat Local
Beat the Heat ACC
CIBC Get Moving
I am Consultancy

Segun Diego de Cuba, presidente di e sindicato, e carta aki a bay pa minister presidente tocante e mal contento bao di e empleadonan. Ta 90% di e empleadonan cu a firma e carta aki, pues e ta cataloga e situacion como uno serio. Ta bay cumpliendo 5 siman cu ta den espera di un contesta di parti di gobierno di Aruba y segun e sindicalista, pa awor aki caba e board mester a wordo forma di Utilities, cual ta concerni Elmar tambe, pa por bay papia riba e asunto aki, of sikier haya un contesta di parti di Gobierno kico nan lo bay haci. Tin di compronde for di e trahadonan cu tin cosnan ta pasando ainda cu ta completamente fo’i sla.

E siman aki lo bay un carta atrobe pa su Excelencia, sra. Evelyn Wever-Croes, splicando cu e tempo cu nan ta tumando ta demasiado largo y kier un contesta y kico ta bay ta decision di Gobierno of di board di Elmar y Utilities al respecto. Pasobra e trahadonan tambe ta birando impaciente y nan ta hopi rabia. Mas ainda mirando loke ta bin ta pasando despues di esaki.

Di parti di sindicato STA tambe, a manda carta pa gerencia, door cu nan a manda pidi e lista di e nomber di e miembronan, di e formularionan, di nan miembresia, cual ta algo cu nan a haya masha tempo caba. A bolbe manda nan pa nan. A manda dos carta pa nan atrobe. Segun de Cuba, nan lo mester a ricibi e carta aki pasobra nan a firma pa nan atrobe, pa despues nan no pretende di no ricibi nan. E ta canando su caminda.

Loke ta duel si, ta cu apesar cu a envolvi mediador di gobierno, a mira cu no ta yega ni p’ariba ni p’abao cu e caso di Elmar aki y como tal ta den espera di abogado pa mira. Ta solicitando un mediador specificamente pa e caso di Elmar aki, pasobra ta mira cu e mediador actual no ta bay ni dilanti, ni patras. Ta keda pega e mesun caminda. Esey no ta e intencion.

Den pasado a maak mee cu mester a bay over na envolve otro mediador pa soluciona cierto problema cu cierto companianan. No ta algo nobo. Esey por. No ta cuestion cu esey no por. Ta algo masha normal mes den e procedura aki. No mas tin cu bay mira den ken su man e ta, si ta den man di gobernador of si ta den man di minister di labor mes. STA kier keda conclui cu e situacion di Elmar aki y kier drecha e cos aki pa paz laboral por reina tambe.

Ta fastioso, mirando e hecho tambe cu ora coriente a bay, algun dia pasa, nan a tira tur culpa riba STA pa motibo di un voicenote bieu cu a core rond. E no tabata tin nada di haber cu esaki. Ta un voicenote cu tin di haber cu un reunion. Ta un boiler number 6 di WEB a cay afo. Asina ey tambe Aruba a conoce un blackout.

No obstante esey, gobierno mester haya un wake up call si cu e cos aki ta serio y sindicato STA ta un sindicato cu ta atende su asuntonan cu hopi seriedad. Su miembronan ta sagrado pa nan. Ora diabel tin rason tin cu dun’e. Den e caso aki ta sinti cu e empleadonan di Elmar a wordo engaña pa e sindicato anterior, UEA. Tin cosnan ta bin den e contracto colectivo cu ni sa mes cu nan ta hinca den e contracto colectivo aki y ta di lamenta. Ora di cera un contracto colectivo, mester ta transparente cu e empleadonan. Si no ta transparente e consecuencianan por ta funesto.

Esaki a experenci’e varios biaha caba cu varios sindicato y esaki no tabata un sorpresa pa STA.

Pa loke ta e situacion di Elmar, lo bay ta mandando un otro carta pa minister pa solicita un otro reunion pa haya sa e situacion y e decision cu gobierno of board tin idea di tuma. Si ta sugeri pa papia cu e board nobo, lo ta dispuesto pa haci esaki, contal cu mira e cambionan cu e empleadonan di Elmar ta desea pa mira, de Cuba a splica.

Comments

comments

home improvent
Dragon Fly
AC Delco 20% Service
Roll The Dice Better Price