Riba dia 2 y 3 di februari, esta diasabra y diadomingo for di 8:00am lo cuminsa entrega e kavelnan, segun e secuencia cu a saca nan. Ta corda tur hende cu nan mester ta 18 aña pariba y esun cu su nomber a sali mes mester tey, no ta acepta “machtiging” pa otro busca e kavel pe, asina Ginger Werleman di Departamento di Infrastructura y Planificacion (DIP) a anuncia awe.
A splica mas leu cu esun cu mester busca e kavel riba su nomber lo mester paga:
• 4 florin na leges
• 25 florin na retributie
• 135 florin pa e vergunning
• 200 florin pa e tent (si lo scoge pa LG Smith Blvd)
Por cuminsa instala of arma bo kavel desde dia 9 di februari. Pa esunnan cu ta busca kavel pa bende, DIP a anuncia di lo “trek in” e permiso mesora y lo duna e peticionario un multa. Si pa dia 24 di februari no a instala kavel ainda, tambe ta motibo pa “trek-in” e permiso y duna un otro. Esunnan cu si probecha di e kavel, mester percura pa kita nan kavel y laga e tereno limpi bek no mas tarda cu dia 10 di maart 2019. Desde dia 12 di maart lo kita tur cos y cobra e peticionario tur e gastonan.
