Soldatnan Tricolor actual Campeon di Aruba lo debuta den e torneo di mas grandi den Caribe Hulandes.
Un torneo cu antes tabata Copa Antiyano, a ser rebiba na aña 2018. Den e formato nobo e Campeon y 2do lugar di cada Isla lo topa otro den e sistema di “Un pa Tera Un pa Lama”. Di e tres encuentronan lo pasa tres ganador y e mihor #4 pa forma e dos encuentronan di semi-final diasabra 24 Augustus. Tricolores di Aruba ta topa cu Scherpenheuvel di Curaçao, ekipo cu a perde final diadomingo ultimo vs Vesta na hermana isla.
E wega aki lo tuma lugar na Aruba diasabra awo 17 di Augustus pa 8or di anochi den Centro Deportivo Guillermo Prospero Trinidad. Pa tur hende por tin material pa apoya, diabierna awor lo tin un Happy Hour na RCA ARENA unda lo tin obtenibel e T-Shirt Cora di Campeon, Jerseys, Caps y mucho mas. Ban yena stadion na e Colornan Rood Wit Blauw pa apoya nos team Campeon contra di Curaçao. E animacion ta cu “Tamboras de Roque” y Live DJ.
