Diasabra awo ta resa pa tur cu ta sufri na Kapel di Alto Vista

Manera tur aña, ta tuma luga un encuentro caminda cu fiel creyentenan di Dios ta bini hunto pa resa tanto Santo Eucaristia, Santo Rosario y Salve Regina. E encuentro spiritual di diasabra awo, lo cuminsa for di 7:00 am cu resamento. Comision Alto Vista ta invita tur fiel creyentenan pa asisti na e Sacrificio di Misa. Den compania di Pastor Huancho, hunto lo ofrece un ora na Cristo. E meta di e encuentro aki, ta pa mas bien resa pa tur esunnan cu ta sufri debi na e pandemia. E oracion lo bay compaña pa biento fresco di lama. Lo resa tambe pa Papa Francisco, Obispo Luis Secco y pa tur sacerdote- y diaconan. No lo laga afo gobernacion di nos Pais afo. Un y tur ta invita pa atende e encuentro spiritual aki.