Diasabra 14 di December: Tertulia “100 aña di Booi y Daal y mas …”

Fundacion Lanta Papiamento hunto cu Bibioteca Nacional di Aruba ta presenta un anochi literario unico pa clausura aña 2019. E anochi aki lo rindi honor na e autor Arubiano Hubert (Lio) Booi y e autor Curasoleño Luis Daal, ambos di feliz memoria y ambos naci un siglo pasa. Tanto Booi como Daal ta autor cu durante nan bida a destaca tanto den produccion di obra literario na Papiamento como den sosten na desaroyo di idioma Papiamento.

Ademas durante e anochi aki lo duna reconocimento na nos autornan local cu durante aña 2019 a publica un of mas obra.

Grandi y chikito ta invita na Bibioteca Nacional den Madurostraat, diasabra 14 di december di 6 – 9 or pa gosa di un anochi literario ameno. Lo siña mas di nos autornan y gosa di declamacion, canto, baile, exposicion y benta di buki y mas …

Lo no cobra entrada, pero un contribucion pa sostene Fundacion Lanta Papiamento ta bonbini.