Tur hende ta ansioso pa sa ki dia mester bay busca nan plachi di number. Segun directora di Departamento di Impuesto, Luenne Pieters a comenta cu tin por lo menos 15 mil cliente cu nan a paga nan belasting pa vehiculo di motor. A haya varios yamada puntrando ki dia por busca e plachi di number.
A anuncia, cu a keda cla cu e trabaonan di control. Dia 24 di December, cu tur e plachinan di number a yega. A cuminsa di biaha cu trabaonan di control. Tin un team cu a traha masha duro riba e control di e plachinan. A traha dia 24, 27, 28, 29, 30 y 31 di December, pa asina haal in e atraso cu nan a haya nan mes aden, mirando cu e container cu e plachinan a yega mas laat cu premira.
E trabaonan cu a tuma cu a tuma luga den e dianan liber, ta un team di DIMP, encabesa pa sr. Omar Maduro, kende ta chef financiele zaken. Nan a haci un tremendo trabao pa pasa den tur e caha y plachinan pa wak si tur tey. Di tur e plachinan, a haya cu 6 A-platen cu no tabata tey. Dos controle plaat cu no tabata bon of cu tin cu wordo traha di nobo y un plachi singular.
Esakinan ta clientenan cu Departamento di Impuesto lo tuma contacto cu nan pa nan no bin por nada, mirando cu nan plachi wordo traha di nobo.
Lo bay tin dos localidad pa e clientenan por busca nan plachi di number. Local number 2 y 4, na edificio D, unda cu antes tabata otorga plachi di number.
Pakico dos localidad
Esaki ta pa parti e fluho hopi mas miho, mirando cu tin hopi cliente a paga caba te cu awo. Lo parti e clientenan segun secuencia di pago. Esaki ta un cambio cu a bin cun’e, pa asina structura tambe e otorgamento di plachi. Si tur hende kier bin paga awe y busca nan plachi awe, e lo bira un caos pa DIMP tambe por structure.
E manera cu ta bay haci ta, clientenan cu a paga entre 1 y 8 di December, ta haya oportunidad pa busca nan plachi mañan y otro mañan.
Esnan cu paga 9 di December pa 12 di December, ta busca dia 11 y 12 di Januari.
Lo bay traha riba diasabranan tambe, entrante diasabra awo. Durante siman, e team di Departamento di Impuesto lo traha di 8’or di mainta pa 8’or di anochi y riba diasabra e team lo traha for di 8’or di mainta pa 6’or di atardi, pa asina duna un extra servicio na tur esnan cu a paga nan plachi caba y ta bin busca nan plachi di 2019.
Si un cliente a paga y haya sa su secuencia pa busca su plachi, ta haci un apelacion pa clientenan bin riba e dia cu el a wordo ingedeeld.
Tur sa cu nos ta biba den un comunidad cu tin regla y traha hunto cu e departamento pa cosnan cana nechi y structura.
Si bo ta poni pa bin busca bo plachi dia 9 of 10, no bin dia 11 of 12 of otro siman, pasobra lo bo no wordo yuda riba e dianan cu bo no ta ingedeeld. Si e persona mes no por bin, un otor hende por bin busca e plachi di number p’e.
