Diamars no a habri bon pa 2 chauffeur na Santa Cruz

1398

Diamars mainta tempran den rush hour a sosode un accidente na Santa Cruz cu un persona levemente herido, pero cu no mester a bay hospital pa tratamento.

Diamars mainta den tur e rush pa hende bay trabou y/of hiba nan yiu scol, un chauffeur di un SUV Ford EcoSport biniendo for di pariba, yegando na e T-kruising na Supermercado Mundo Nobo Santa Cruz, a take su chance pa subi pa e bay direccion zuid.

Den esaki e no a duna preferencia na un Toyota Yaris blanco cu tabata bayendo direccion noord. Consecuentemente a dal den otro. Aki chauffeur femenino a reclama cu e tin dolor y alabes no tabata sinti su mes bon.

A pidi presencia di ambulance y e paramedico a baha cu tur ekipo pa controla e estado di salud di e dama. Despues di basta rato a conclui cu no tabata necesario pa hibe hospital. Si por a mira cu e dama a keda cu dolor. Trafico na e momento tabata basta bon druk y tranca, pero e agentenan policial a haci un bon trabou di guia e trafico pa asina e alivia e situacion.