Diamars Corte Superior ta dicta sentencia den caso di Endy Croes

Awendia Endy Croes a bira Parlamentario pa partido MEP. El a subi di 509 voto pa 850 voto, cu un corant, radio, website y television totalmente na su disposicion.

E politico Endy Croes lo ta na un crusada mayan diamars atrobe ora cu bin sentencia den su caso den Corte Superior. El a perde un caso contra Ernst & Young, cu a traha e rapport forensico pa Lotto unda a descubri e mal maneho y posibel faboritismo personal (y di famia) for di fondonan di Lotto, cu na final a coste su trabou. El a apela e sentencia y diamars 8:30am e sentencia nobo lo cay cu lo por sea drecha su nomber of confirma e hechonan cu lo por tin consecuencia pa su futuro carera politico den MEP.

Na aña 2012 a cera Endy Croes pa e caso penal den su contra, hunto cu otro integrantenan den e investigacion Lotto Gate

Fundacion Lotto pa Deporte Aruba a acerca Ernst & Young pa cuminsa un investigacion forensico, relaciona cu e forma con e director financiero di Fundacion Lotto pa Deporte, Juan “Ricky” Croes tabata atende cu fondonan y e forma con e director general, Jan “Endy” Croes tabata maneha e fundacion y con e tabata practica faboritismo dunando trabou directamente na su mesun companianan of di su rumannan of di su mama, sin cu a pasa e procedura corecto di aprobacion of sin aplica reglanan di “bon gobernacion”.

Awendia Endy Croes a bira Parlamentario pa partido MEP. El a subi di 509 voto pa 850 voto, cu un corant, radio, website y television totalmente na su disposicion.

Prome cu esey caba, dia 4 di januari 2010, e Gobierno nobo y e directiva nobo a manda nan (Endy y Ricky) un carta pa prohibi nan di drenta e facilidadnan di Lotto y pa nan keda cas mientras ta investiga nan. E&Y a cuminsa un investigacion riguroso cu na final a resulta den un rapport extenso riba e forma dudoso cu e duo aki a maneha e fundacion.

Rapport Onderzoek FLPD 1 juli 2010

Como cu e rapport di E&Y a conduci na retiro inmediato di tanto e Director General como tambe e Director Financiero di Fundacion Lotto pa Deporte, a opta pa cuminsa un caso contra Ernst & Young. Hues a dicta sentencia dia 30 di maart 2016 den cual Endy Croes a perde e caso y mester a paga tur e gastonan di e caso tambe.

Sentencia Corte den Prome Instancia – Caso Endy Croes vs E&Y – April 2016

Pero, despues di e sentencia Endy Croes no a keda satisfecho cu el a perde y cu a keda proba cu el a mal maneha e fundacion, el a dicidi di apela y bay Corte Superior. Diamars 16 di januari 2018 pa 8:30am lo scucha e sentencia nobo. Bufete di Croes, Wever & Tchon ta defende Endy Croes mientras cu abogado Patrick Brown di Brown Lawyers ta defende interes di Ernst & Young.