Politie Ontspanning Vereneging Aruba (POVA) a conoce momentonan agradabel y menos agradabel y tambe momentonan hopi dificil y di gran reto. No obstante esey nos a sa di surpasanan, asina e directiva actual a skirbi su miembronan. A funda POVA Club dia 18 februari 1944 cu e meta pa nos Polisnan, famia y conocinan por a relaha haciendo deporte y tambe socialisa cu otro den un ambiente sigur.
Lanta un organisacion ta hopi dificil pero lage sigui existi exitosamente durante aña largo ta un reto hopi grandi pa cualkier bestuur y su miembronan. Ta duna respet y merito na tur Bestuur anterior cu a sa di haci su tarea di mantene e club existente. Ta gradici miembronan cu ta haci nan contribucion pa esaki ta posibel. Cu e contribucion ta mantene e Club riba pia.
Dialuna 18 februari 2019 Club P.O.V.A ta cumpli 75 aña. Na tur miembro nan MASHA PABIEN! En conexion cu esaki, a invita tur miembro pa ta presente dialuna 9:00am pa un Koffiemorgen, mientras cu Pastor Jairo Maduro lo bendicona e Club. E festividad en conexion cu P.O.V.A su aniversario lo dura henter aña 2019. Actividad deportivo (Copa P.O.V.A 75 aña) y social.
