Parke Nacional Arikok a cera su portanan na momento cu a declara Coronavirus na Aruba. Parke Nacional Arikok ta ricibi un fluho hopi halto di bishitante cu kier recrea den naturalesa. Nan ta sostene esaki, pasobra naturalesa ta pa disfruta y relaha. Tin hopi bishitante a tuma e momento pa amplia nan conocemento riba diferente area di naturalesa cu Aruba tin di ofrece. Pero awo nan tin riba schedule pa habri dia 1 juni pa vehiculo di motor.
P’e parke esaki ta importante mirando cu nan tambe ta sostene e trabou di conservacion, segun Carl Quant, relacionista publico di Parke Nacional Arikok. Den e temporada aki nan a tuma e tempo pa ilustra e importancia di reglanan, cual ta en conexion cu conservacion di Aruba su naturalesa. Loke cu nan a haci p’e temporada aki, nan a cera e gatenan di parke pero no a impone pa hendenan cana. Tabatin acceso na parkeerplaats y cuminsa cana for di e centro di bishitante. Nan tabatin un grupo chikito di park rangers, kendenan tabata den parke pa duna asistencia na un momento of otro por a haci esaki debidamente.
Segun Quant, nan a cuminsa cu renobacionnan prome cu e situacion di COVID-19. Pero desde cu a declara esaki como pandemia, e trabou a para. Awo cu por sigui cu e trabounan, a scoge pa sigui cu e trabou. Tambe percura cu na momento di ricibi turistanan y localnan, pa tin e edificio optimal. Nan mester mantene na e rekistonan di DVG, segun e reglamentonan nobo. Esaki no ta afecta solamente e servicio di centro di bishitante, pero tambe eyfo na momento cu un persona kier cana cu un ranger. El a sigui bisa, cu nan no por acepta aida grupo grandi pa cana den naturalesa y p’esey ta pidi pa mantene na e distancia social. Parke Nacional Arikok lo percura pa mantene e gruponan chikito y sigura cu nan ta safe durante e temporada aki.
Na e momentonan aki no ta cobra hende pa cana den e parke, pero entrante 1 juni e rangernan t’ey pa controla. Hopi persona a cuminsa yama y pidi pa saca nan jaarpas. Ta posibel pa haci esaki prome cu 1 juni, segun Quant. Por pasa na centro di bishitante unda cu tin diferente categoria di jaarpas. Esaki a bira digital y no mester warda mas p’e jaarpas, pero dentro di par di minuut tin esaki.
