Dialuna awo, dia 7 di Januari, lo bay tin un seminario organisa pa Benu Pharmacies, unda cu dr. Richard Visser lo bay ta e orador. E lo bay trece dilanti un tecnologia nobo di medicina, cu por facilita diagnostico y tambe tratamento di e pashent.
El a comenta cu e seminario lo cuminsa na Aruba, dia 8 eseminario lo ta na Corsou y dia 9 di Januari lo ta na St. Maarten. Benu Pharmacies ta e grupo di boticanan mas grandi na Europacu ta situa na Alemania, cu awor aki a tuma over hopi di e boticanan diHulanda.
No ta cu nan a cumpra Visser Holding, sino nan ta trahandocu nan y tin hopi beneficio pa traha cu nan. Tambe nan ta hopi avansa den nan tecnologia. Semper ta wakdilanti. E mesun presentacion cu dr. Visser lo duna, e ta duna pa diferenteluga na Europa.
Bo por pensa cu Aruba ta chikito, nos ta hendenan trankil. Cu e tecnologia aki na Europa e nivel cu nos ta haci’e, no tin. Por ta zona straño cu tur e tecnologia cu tin na Europa, na Suecia, na Hulanda mes, e tecnologia cu ta hibando awor aki y ta introduciendo eynan, ta un tecnologia cu ta custuma cun’e, ta hopi mas avansa cu nan tin mes. Ta papiando aki di Phillips, etc., no tin loke nan tin.
Loke cu ta haciendo awor aki suavemente, drentando na luganan cu por. Tin un tiki resistencia tambe, pasobra dokternan kiermen, cu nan manera di traha, mester bay bira full otro awo. Nan mester custuma cu esaki tambe. Ta un manera diferente pa traha y tin acceso na hopi mas pashent. Con bo ta bay wordo paga pa e pashentnan ey. Tur eseynan ta purbando di saca afo awor aki hopi lihe y e ta bayendo.
Registracion na seminario
Segun dr. Visser, pa e seminario e ta sold out. Na Corsou y na St. Maarten tin algun luga ainda. Pero ta cerando hopi lihe. E ta un acogida caba y hopi hende tin interes den esaki pa wak kico por haci y ta mas eficiente, duna hopi mas calidad den nos cuido.
E calidad y eficiencia ta wordo busca na Europa, ta wordo busca na Hulanda, na Suecia, na tur e luganan grandi aki.
Cu e tecnologia aki, tin e bentaha na Aruba cu por gewoon implement’e y move dilanti. Manera cu bo no mester bay na e sistema bieu pa hay’e. Bo por gewoon jump, haci un salto den tecnologia. Esey ta e gamechanger aki cu ta papiando di dje y ta algo cu a desaroya na Europa y na e luganan ey, cu tin un acogida hopi grandi awor aki.
Pesey dr. Visser kier a bin Aruba bek, presenta esaki. Awo ta bay papia un tiki di dje, ta bay papia na unda pa wak esakinan.
Na Suecia tin un programa grandi unda lo bay implement’e den mas cu 50 scol. Nan no lo bay tin nurse ni dokter mas. Nan ta bay wordo reemplasa, cu unidadnan mas grandi. Por ehempel si un mucha bira malo, e ta bay den e unit, ta cende y ta comunica di biaha cu e hospital y specialista cu mester ta. E ta wordo trata eynan mes.
Tin hopi diferente uso. Tin un unidad riba avion, ora cu ta biahando distancia largo, no mester yama pa tin un dokter abordo. Nan tin un sistema cu ta conecta cu tera directamente, cuminsa haci tur e diagnostico riba e pashent eynan mes y por bisa e piloto di biaha cu tin cu baha e avion of sigui bay. Ta opcionnan cu ta habri awo pa loke ta medicina.
