Grupo di Oracion “Inmaculado Curason di Maria ” ta invita tur debotonan cu a Consagra na Mama Maria y ta bisti un Scapulario, tambe tur a consagra cu e Scapulario di Dos Curason di Mama Maria y Sagrado Curason, pa bin resa y keda fiel na Nos Mama Celestial, cu ta sufri tanto pa desobedencia di hopi na Su Yiu Hesus.
E scapulario nos ta bistie ora special manera riba tur 13 di cada luna y dianan special di fiesta di Inmaculada Curason di Maria.. Tur dia nos ta resa nos Santo Rosario. Un ves pa luna ta bin hunto como ruman den Cristo y yiunan di Dios ta bin cu alegria y goso pa resa e Santo Rosario. Ma pa bo sinti cu bo ta parti di e grupo, bin pa bo resa cu hopi Respet un misterio, sinti bo mes e YIU di Mama Celestial.
Tur cu a consagra, den parokia di Savaneta y di Sta. Cruz, Paradera, na kapel di Alto Vista y den kapel di San Francisco ta invita pa Dialuna 13 di juli 2020 pa reunie 6 or di atardi na e Monumento di Inmaculado Curason di Maria, pariba di misa. Ta cuminsa resa e “Angel di Señor”, despues ta resa e Santo Rosario. Dialuna ta misterio “Gososo ”, cu canto y oracion pa alaba y gradici grandemente nos Mama Celestial y Su Dibino Yiu. Duracion ta 55 min. Despues ta sigi Santa Eucarestia Comision di Sagrado Curason di Maria
