Diahuebs awor The Movies @ Principal ta habri na San Nicolas

Na aña 1992 e cinema na San Nicolas a cera y esaki a pone cu pa añanan tur hende tabata bay pabou di brug pa mira pelicula. Awor, despues di mas cu 27 aña e ta habri atrobe, pero hopi mas moderno. Diahuebs awo e ta habri atrobe pa publico, cu tres sala nobo, stoelnan comodo, pantaya grandi y un sistema di zonido masha moderno.

Pueblo di San Nicolas a pidi pa bin cu un cine na San Nicolas y esaki ta e tempo, asina Devin de Veer, encarga cu mercadeo y promocion di The Movies @ Principal, a expresa. Pronto lo celebra 100 aña di existencia di e compania MetaCorp, cu de facto a nace cu un cinema.

Preparacionnan ta andando pa apertura di The Movies @ Principal na San Nicolas diahuebs awo

Preparacionnan ta andando pa apertura di The Movies @ Principal na San Nicolas diahuebs awo

Posted by 24ora on Monday, July 15, 2019

E cinema lo tin 3 sala y mas o menos 70 asiento pa sala. Lo tin un cushina cu hamburger, wraps, hotdog y hopi mas. Tur hende por yega no solamente pa mira pelicula, pero tambe pa come algo.

Den e sala lo tin un sound system di 7.1 y e zonido lo zona mesun cos tur rond den e sala. E pantaya lo ta mas grandi cu esun na Renaissance Marketplace. Tambe lo tin suficiente espacio entre e stoelnan pa tur hende sinta confortabel.

Ataniro: Pueblo di San Nicolas ta orguyoso di The Movies @ Principal

Ataniro: Pueblo di San Nicolas ta orguyoso di The Movies @ Principal

Posted by 24ora on Monday, July 15, 2019

P’e temporada di vakantie The Movies @ Principal lo habri mas trempan. Den fin di siman semper lo habri trempan, rond di 12:00pm. Mirando cu tin 3 sala, lo purba scoge e miho peliculanan.

Pa por haci esaki Devin de Veer ta invita e pueblo di San Nicolas pa comunica cu The Movies y bisa ki pelicula nan kier mira. Like y follow e pagina di The Movies riba Facebook y keda bon informa. Aplica y uza bo Supercard pa hopi beneficio.

Comments

comments