Diahuebs awo, pa parada di luz, bo tin e oportunidad pa para bo auto den cura di Filomena College. Bo auto por keda safe durante full e parada.

Juffrouw Lampe di Filomena College manera tur aña, ta ofrece e servicio di parking riba tereno di scol pa parada di luz. Ta haci’e pa recauda fondo pa e scol. Semper tin un of otro cos pa drecha. Esaki sigur ta yuda e scol. Di un otro banda ta yuda esnan cu ta bin disfrut di e parada di luz.

Tin un cuerpo di docente cu lo tey pa cuida e autonan. E cantidad si ta limita. Mester bin hopi lihe pa por haya bo luga, pa asina por parkeere den cura di Filomena College, riba e dia aki.

Prijs pa auto ta 15 florin. Ta habri e portanan pa 5’or di atardi y servicio aki lo tey te cu 3’or di marduga.

Si pa 3’or di marduga, ora cu e docentenan ta baha nan warda, bo no a saca bo auto ainda, lo mester atende cu e security cu lo tey, pa e por habri porta pa por sali.

Ta pidi tur hende si pa mas tarda 3’or pa saca nan auto. Ta tene cuenta depende ki ora e parada caba. Pero esey ta mas of menos e orario cu tin.

Tin algun regla pa tene cuenta cun’e. Ta pidi pa tur hende pa ta responsabel riba tereno di scol. Ora cu bo bin, no causa daño riba e tereno, no causa daño na otro vehiculonan para den cura di scol. Tambe percura pa bo no laga ningun articulo di balor den bo auto, na camindanan visibel. Maske cu tin hende cu ta cuida e autonan, ta miho bo warda bo pertenencianan na un maneranan no visibel y no laga nada di balor den auto. Esey ta conta pa tur caminda.

E comportacion tambe, vooral ora di caba, tene e goso sanamente, y pa ora cu caba, no mester bin ningun sorto di problema, of situacionnan fastioso.

Por yama na scol na 5845156. Bo por reserva, pero ta pidi si tur hende cu a reserva, bin paga prome cu diahuebs, of diahuebs durante dia, pa asina percura cu bo ta haya luga. E luganan ta limita. Of por manda un mensahe riba facebook riba e pagina di Filomena College MAVO of pa Addonsito Croes, kende ta encarga cu esaki.

Di e forma ey bo por reserva bo parkeo, pag’e prome cu diahuebs y e ora lo bo tin bo luga di para garantisa.

Comments

comments