Diahuebs awo tin santo rosario y oracion na e monumento di Inmaculada Curason di Maria na Santa Cruz

123

Grupo di Oracion “Inmaculada Curason di Maria ” ta invita tur debotonan cu a Consagra na Mama Maria y ta bisti un Scapulario, tambe tur a consagra cu e Scapulario di Dos Curason di Mama Maria y Sagrado Curason, pa bin resa y keda fiel na Nos Mama Celestial, cu ta sufri tanto pa desobedencia di hopi hende na Su Yiu Dibino Hesus.

E scapulario nos ta bistie ora special manera riba tur 13 di cada luna y dianan special di fiesta di Inmaculada Curason di Maria.. Tur dia nos ta resa nos Santo Rosario. Un ves pa luna ta bin hunto como ruman den Cristo y yiunan di Dios ta bin cu alegria y goso pa resa e Santo Rosario. Hunto ta bin resa un misterio, sinti bo mes e YIU di Mama Celestial.

Tur concregenista, di Aruba e.o di parokia di Savaneta, Sta. Cruz, Paradera, na kapel di Alto Vista y den kapel di San Francisco ta invita pa reunie 6 or di atardi na e Monumento di Inmaculado Curason di Maria, pariba di misa. Ta cuminsa resa e “Angel di Señor”, sigi pa e Santo Rosario. Diahuebs ta misterio “Luminoso ”, cu canto y oracion pa alaba y gradici grandemente nos Mama Celestial y Su Dibino Yiu. Despues ta sigi Santa Eucarestia