E evento explosivo “Fire 2 the Ring Friday Night Fights” ta yega su di 14 edicion diabierna awo, 4 di april 2025, den Club Caiquetio. Ricardo Illidge, promotor y representante di WKA internacionalmente, a anuncia durante un conferencia di prensa cu e evento aki ta un culminacion di 15 aña di trabou duro cu WKA. E meta principal ta pa eleva e talentonan di kickboxing den e region, ofreciendo un plataforma p’e atletanan di Aruba, Boneiro, Corsou, Panama, Mexico, Colombia, y Sint Maarten pa competi na un nivel halto. E evento ta sirbi como un trampolin p’e Panamerican World Championship na Panama den luna di juni, unda cu e atletanan estelar lo ta scogi pa representa nan pais.
Diabierna anochi, e atmosfera lo ta electrico ora cu e portanan di Club Caiquetio habri pa 7:00 pm, y e peleanan cuminsa pa 8:00 pm. E atletanan y nan coachnan di tur parti di region ta na Aruba, cla pa demostra nan habilidad den ring. E evento ta priminti di ta un experiencia unico, cu un show di modelo durante pauze pa entretene e publico. Ticketnan ta disponibel na Manuelito’s Sportsbar, Citgo Santa Cruz, Citgo Boulevard, Citgo Palm Beach, Citgo Cura Cabay, y tambe na porta. E prijsnan ta 35 florin general, 75 florin Ringside, y 100 florin VIP.
Illidge a expresa su gratitud profundo na tur esnan cu ta haci e evento aki posibel, incluyendo e atletanan, e coachnan, y e sponsornan generoso manera WKA, Mainta cu Lelicia, Taxi 252, Swingmasters y Albo Aruba Construction. E ta invita tur fanatico di kickboxing pa bin presencia e evento “Fire 2 the Ring Friday Night Fights” den Club Caiquetio, y apoya e atletanan den nan lucha pa gloria.
Pa mas detaye lesa TREMPAN
