Custumbernan rond di Dia di San Balentin (Valentine’s Day) a desaroya hopi aña pasa na Inglatera y poco poco a contagia henter e mundo cu ta papia Ingles den siglo 19.
Den e siglo 20 y 21 cu a sigui, e mesun custumbernan a plana den otro paisnan, aunke su efectonan a keda limita compara cu otro custumber manera Pasco y Santa Claus.
Den mayoria pais Latino, por ehempel Costa Rica, Mexico y Puerto Rico, nan conoce e dia como Dia de los Enamorados of tambe Día del Amor y la Amistad. Na Guatemala nan ta yam’e Dia del Cariño. Tin pais, specialmente Republica Dominicana y El Salvador tin un tradicion yama Amigo Secreto cu ta un wega similar na e tradicion di Pasco pero cu un Secret Santa.
Colombia ta celebra Día del amor y la amistad den september. Amigo Secreto tambe ta masha popular eynan.
Aki na Aruba e ta un combinacion di celebracion di dia di amor y amistad. Nos a sali awe pa puntra publico kico nan ta pensa di e dia, kico Dia di San Balentin ta nifica pa nan….
